НОВИ САД – Предсидатель Покраїнскей влади Иґор Мирович и городоначалнїк Нового Саду Милош Вучевич вчера положели фундаментални камень за нови будинок Наглей помоци, хтори будзе збудовани на углє улїци Илариона Руварца и и Булеваре патриярха Павла. Як наявене, нови будинок будзе закончени за рок.
Покраїна и Город видвоєли по 204 милиони динари за вибудов будинку Наглей помоци, а з нагоди поставяня фундаменталного каменя, Мирович як окреме значне наглашел же Покраїна и Город вєдно пририхтали тоту вельку инвестицию у обласци здравственей защити.
Як гварене на шветочносци, нови обєкт Заводу за наглу медицинску помоц будзе мац вецей як 5 300 квадратни метери.