ВЕРБАС – Национална служба за обезпечованє роботи розписала дзешец явни поволанки и конкурси, з цильом витворйованя програмох и мирох активней политики обезпечованя роботи хтори предвидзени з Програму роботи за 2018. рок. Векшина з тих конкурсох отворени по 30. новембер 2018. року, лєм три отворени по април того року.
Отворена Явна поволанка за реализацию програми здобуваня практичних знаньох, конкурс за рефундацию трошкох потримовки особом з инвалидитетом хторим ше обезпечує роботу под окремнима условиями у 2018. року, потим Явна поволанка за орґанизованє витворйованя явних роботох на хторих ше анґажує нєзаняти особи у 2018. року, поволанка нєзанятим особом ромскей националносци за додзельованє субвенциї за самообезпечованє роботи и други.
Информациї о явних конкурсох мож достац у каждей орґанизацийней єдинки Националней служби, прейґ Поволанкового центру Служби 0800-300-301, або на сайту Националней служби за обезпечованє роботи www.nsz.gov.rs.