НОВИ САД – На Площи шлєбоди у Новим Садзе новосадски матуранти участвую у Медзинародней манифестациї „Танєц матурантох”, єденасти раз за шором, а под покровительством Городу.
Швеяточне отверанє будзе коло 11,30 г., а 20 минути познєйше прейґ радио-сиґналу буду контактовани школяре з других жемох котри участвую у манифестациї. На поладнє матуранти буду танцовац кадрил.
Манифестация будзе отримана у сотруднїцтве з Танєчним союзом Словениї, а того року Нови Сад учашнїк и змаганю за Ґинисов рекор у чишле учашнїкох у синхронованим танцу. У актуалним рекорду, поставеним 2011. року, було 33 202 танєчнїкох.
Манифестация вше и гуманитарного характеру, а того року є орґанизована и як потримовка подзвигованю свидомосц о диябетесу медзи младима, у сотруднїцтве зоз Здруженьом диябетичарох Войводини.