Новосадски школяре пошвидко буду тестировани на дроґи

автор 021/мар  фото 021
908 Опатрене

НОВИ САД – На вчерайшей схадзки Координацийного цела за борбу процив насилства у основних и штреднїх школох Городу Нови Сад, начальнїца Управи за образованє Лидия Тамаш гварела же у наиходзацих 15 дньох обезпеча тести на дроґи, хтори буду подзелєни родичом котри зосцу тестировац свойо дзеци.

З городского буджету за тести буду видвоєни 10 милиони динари, а заплановане тестировац найвецей 25 000 школярох зоз седмих и осмих класох основних школох, и шицких штредньошколцох.

Координацийне цело за борбу процив насилства у основних и штреднїх школох розпатрало звит о прешлим школским року и винєшени податки же у школох и коло нїх були реґистровани 192 виновни дїла, цо зменшанє за 32 у одношеню на рок пред тим. За половку зменшане и число потупеньох явного порядку и миру – зоз 68 на 35.

На схадзки поведзене и же школяром отримани вецей стотки викладаня о рижних проблемох вязаних за безпечносц, а исти активносци плановани и у тим школским року.

Предствителє Полицийней управи Нови Сад наведли же ше дояви гражданох на загрожену безпечносц у школох спатра приоритетно.

 

 

ПОВЯЗАНИ ТЕКСТИ