ВЕРБАС – На ютре, 15. септембра, на городскей площи у Вербаше будзе цаловечарша програма забавного типу за дзеци и младих з назву „Ноц чудох у Вербаше”.
Програма пошвецена наймладшим почнє на 19 годзин, потим шлїдзи кабаре, а на 21 годзин нащивителє годни видзиц нєкаждодньово забавни змисти з лядом и огньом. Програма интерактивна, та публика вєдно з аниматорами годна правиц балони, мальовац маски по твари, а будзе ше пущац и швицаци лампиони.
Програму обдумала и орґанизовала Асоцияция младих Вербас, з помоцу Општини Вербас, а нащива шицким змистом безплатна.