ВЕРБАС – Пияток, 15. септембра, на центре Вербасу отримана Ноц розваги, у орґанизациї Асоцияциї младих Вербас, хтору през вечар нащивели вецей як 300 дзеци и одроснути.
Нащивителє видзели интересантну програму за дзеци, збогацену з акробатскима и танєчнїма часцами, у хторих єднак уживали и старши Вербащанє.
Окремне одушевиє публики виволали акробатски точки з огньом и лед-шветлом, а наймладших найбаржей нєсподзивал трометерови робот з познатого анимированого филму.
Були орґанизовани и танєчни бависка, скечи з кловнами, интерактивни бависка з аниматорами, а на концу до нєба пущени швицаци лампиони.