ШИД – У предостатнїм, 14. колє єшеньскей часци першенства Медзиопштинскей фодбалскей лиґи Срим, ОФК „Бикич” на госцованю у Чалми дожил пораженє од „Слоґи” зоз 2:1.
„Гайдук” з Вишнїчева бавел 2:2 у Жарковцу процив „Напредку”, а „Обилич 1993” зоз Куковцох на госцованю у Обрежу победзел „Ґраничар” 4:2.
На таблїчки „Обилич 1993” други зоз 29 бодами, „Гайдук” треци зоз 28, а ОФК „Бикич” штварти, зоз 27 бодами.
У 15. колє, на нєдзелю, ОФК „Бикич” дочекує БСК зоз Бешенова, „Гайдук” будзе бавиц процив „Младосци” зоз Будяновцох, а „Обилич 1993” дочекує „Слоґу” з Воґню.