НОВИ САД – У Новим Садзе нєшка, 10. юния, на 17 годзин почина Шеснасти Фестивал дзецинскей творчосци Руснацох у Войводини „Веселинка”. Фестивал будзе у Руским културним центре (РКЦ) у Новим Садзе (Йована Суботича 8), хтори и його орґанизатор, того року з мотом „Маґия коло нас”.
Програма „Веселинки” почнє з вецей креативнима роботнями – рисованя по мурох, правеня муралох зоз спреями, дзеци будзе забавяц Мистер Твистер з балонами, будзе роботня мажоретского танцу и мадїоничарска роботня
Музично-сценска програма, на хторей участвую дзеци з наших местох и зоз Словацкей, зоз Земплинскей Теплици, почнє на 20 годзин.
На „Веселинки”, на уходзе до РКЦ, будзе поставена шкатула до хторей годно дац добродзечни прилог, як финансийну помоци за школяра ОШ з Коцура Желька Шанту, котри муши пойсц на операцию очох до Русиї.