КУЛА – У театралней сали Културного центру Кула нєшка, 9. марца, будзе Општинска смотра рецитаторох „Максим Єкнич”, котра почнє на 18 годзин.
На Смотри участвую 35-еро рецитаторе у трох возростох вибрани на месних смотрох, а медзи нїма и дзевецеро котри освоєли перши три места у шицких трох возростох з Руского Керестура.
З Керестура би мали наступиц, у младшим возросту Яна Варґа, Иван Планчак и Ема Живкович, у штреднїм Ребека Семан, Минеа Югас и Валентина Новта, а у старшим Павлина Шепински, Мирослав Малацко и Тимеа Будински.
Рецитаторох хтори ше пласовали на Општинску смотру пририхтали Оленка Живкович, Наталия Зазуляк, Ивана Дудаш и Мая Зазуляк Гарди.