НОВИ САД – Нєшка на 17 годзин, у просторийох Заводу за културу войводянских Руснацох будзе отримана Штварта схадзка Управного одбору Заводу за културу войводянских Руснацох.
Предсидатель Управного одбору Миломир Шайтош за схадзку предложел дньови шор у седем точкох, медзи котрима предклад лїстини кандидатох за вибор директора Заводу за културу войводянских Руснацох, як и прилапйованє одлуки о вименкох и дополнєньох Финансийного плану и Програми роботи Заводу за 2017. рок.