РУСКИ КЕРЕСТУР/СНЇНА – Мишани хор Дому култури и Катедралней церкви св. оца Миколая з Руского Керестура нєшка путує на традицийни XXVII Фестивал духовней писнї у Снїни у Словацкей, хтори будзе отримани того викенду.
На сам дзень приходу до Снїни, Хор уж будзе мац наступ у пополадньових годзинох у Ублї, як и на нєдзелю, на дзень Фестивалу, кед будзе шпивац на Служби Божей у грекокатолїцкей церкви у Пчолинох. На пондзелок, 16. октобра, члени Хору нащивя Бардейов и Бардейовски купелї, а потим руша назад до Керестура.
Свойо госцованє у Снїни, керестурски Хор витвори дзекуюци поштреднїцтву Союзу Руснацох Українцох Сербиї.