РУСКИ КЕРЕСТУР – У парохиї св. оца Миколая по григориянским календаре швето Сошествиє св. Духа – Русадля ше преславює од 20. по 22. май, а на треци дзень швета традицийни Завитни дзень у Водици. Того дня там будзе шветочно означена и 15-рочнїца снованя нашого Апостолского еґзархату.
Рочнїца будзе означена на Архиєрейскей Служби Божей на 11 годзин, хтору будзе предводзиц наш владика кир Георгий Джуджар з визначнима госцами, од апостолского нунция по велїх владикох, священїкох и вирних, а обчекує ше приход и парохиянох з других наших парохийох.
У Катедралней церкви нєшка Служби Божо буду на 8 и 10 годзин, а на ютре лєм на 19 годзин. У Водици Служба Божа зоз мированьом нєшка почнє на 19 годзин за шицких цо нє можу присц на сам Завитни дзень. Того дня будзе и традицийна Процесия до Водици хтора руши зоз церковней порти на 17 годзин.