РУСКИ КЕРЕСТУР – Од нєшка, 21. марца, на 49. Драмским мемориялє Петра Ризнича Дядї почина виводзенє дзецинских представох, а перша будзе представа „Приповедки з Коцкогороду” КЦ „ЦЕКОМ”, у режиї Нади Лендєр, а у виводзеню Руского КУД „Др Гавриїл Костельник” з Кули.
Представа у Велькей сали Дому култури почина на 12,30 годзин, як и шицки дзецински представи на тогорочним Мемориялє, а ютре ю приду патриц и школяре з наших местох, у орґанизациї Одбору за образованє Националного совиту Руснацох.
На ютре, 22. марца, з дзецинску представу по українски госцує КУД „Иван Сенюк” з Кули.