Нєшка на Мемориялє представи домашнїх

автор зам
1k Опатрене

РУСКИ КЕРЕСТУР – На Драмским мемориялє Петра Ризнича Дядї нєшка, 24. марца, знова будзе виведзена дзецинска представа „Перша журка” Тодея Николетича, у режиї Ксениї Бодянец, а у виводзеню Дзецинскей ґрупи Драмского студия АРТ Дому култури Руски Керестур. Представа почина на 12,30 годзин.

На вечар, на 19,30 годзин, младежску представу „Бонґ-Боинґ” Марка Камолетия, у режиї Владимира Надя Ачима, на Мемориялє одбавя домашнї з Драмского студия „АРТ” керестурского Дому култури. Представу „Бонґ-Боинґ” будзе патриц и селектор Општинскей смотри татралней творчосци кулскей општини.

На ютре, 25. марца, на Мемориялє госцує ансамбл з иножемства – „Театер при фонтани” з Михаловцох, зоз Словацкей, хтори по „виходнярски” одбави комедию „Жимне вре”.

 

ПОВЯЗАНИ ТЕКСТИ