Нєшка на Яна два Служби у Водици

автор маф
966 Опатрене

РУСКИ КЕРЕСТУР – У рускокерестурскей парохиї св. оца Миколая нєшка по григориянским календаре швето Родзенє Йоана Хрестителя – Яна, остатнього старозавитного пророка. Особом котрим мено Йоан, Янко, Иван нєшка имени дзень.

Церква на тот дзень преславює народзенє Йоана Хрестителя, котрого родичи мали у барз позних рокох, цо бул знак же дзецко вибране од Бога. Йоан Хреститель постал нєпоштредни предходнїк Исусового явного дїлованя, а були и родзина по мацерох.

На швето Служба Божа у Катедралней церкви будзе лєм рано на 8 годзин, а Велька на 10 у Водици, як и вечарша, понеже соботами вечарши служби лєм у Водици, дзе од 16 годзин дежураю и нашо священїки за духовну розгварку и Споведз вирних.

ПОВЯЗАНИ ТЕКСТИ