РУСКИ КЕРЕСТУР – Нєшка пополадню почина традицийни Водицов камп за дзеци и младих хтори орґанизую волонтере Каритасу керестурскей парохиї, а камп ше закончи зоз Службу Божу на 11 годзин, на нєдзелю, 6. авґуста.
Як дознава „Рутенпрес” од орґанизаторох, на камп ше приявели 70 учашнїки, хлапци и дзивчата од пиятей класи основней школи и старши, найвецей з Керестура и Коцура, а єст и дзеци з Вербасу и Нового Саду.
Главна тема тогорочного кампу будзе „Медзисобна любов”, потим комуникация и други сучасни теми, хтори буду обрабяни през викладаня и рижни роботнї и друженя.
Млади буду змесцени у будинку у самей Водици и на керестурскей парохиї.
(На фотоґрафиї учашнїки прешлорочного Водицового кампу).