РУСКИ КЕРЕСТУР – У парохиї св. оца Миколая по григориянским календаре, нєшка ше означує трокральова Вилїя, пред вельким шветом Богоявлєньом Господнїм хторе будзе преславене на ютре, 6. януара.
Нєшка на Вилїю, у катедралней церкви на 8 годзин будзе Василийова Служба Божа зоз Вечурню, а того дня вирни посца по обичайох хтори подобни як и на крачунску Вилїю, кед ше пририхтує традицийна вечера з рибу и бобальками.
На ютре, на швето Богоявлєнє Господнє, Служби Божо у Катедралней церкви буду на 8, и 17 годзин, як и Велька Служба на 10 годзин по хторей будзе и вельке пошвецанє води.
Пошвецанє обисцох з богоявлєньску воду у керестурскей парохиї почнє од пондзелку 8. януара и будзе тирвац 11 днї нєрахуюци нєдзелю. Пошвеца ше обисца у цалим валалє, а пошвецанє почнє на Вельким шоре, а потим у часци валала од Торжи, одн. ґу Косанчичу.