РУСКИ КЕРЕСТУР – У Марийовим святилїщу Водици зоз Архиєрейску Службу Божу на 11 годзин нєшка будзе преславени треци дзень швета Сошествия Св. Духа – Русадля и Завитни дзень керестурскей парохиї. Источашнє будзе означена и 15-рочнїца снованя Апостолского еґзархату за грекокатолїкох СЧГ.
Службу Божу буду служиц осем владикове, предводзиц ю будзе архиепископ Цирил Василь з Конґреґациї за восточни церкви зоз Риму хтори будзе и наказовац, апостолски нунций у Сербиї монс. Лучияно Сурияни, архиеп. беоґрадски Станислав Хочевар, римокатолїцки владикове суботицки Янош Пензеш, сримски Дюро Ґашпарович, и грекокатолїцки з Македониї Киро Стоянов и помоцни владика мукачевски Нил з Ужгороду и наш еґзарх кир Георгий Джуджар.
Обчекує ше и вельке число священїкох з нашого Еґзархату и госцох, и вирних з керестурскей и других наших парохийох.