ДЮРДЬОВ – Фестивал жридлового шпиваня „Най ше нє забудзе”, шеснасти по шоре, котрому домашнї дюрдьовске Културно-уметнїцке дружтво „Тарас Шевченко”, будзе отримани нєшка, 18. авґуста, програма почнє уж на 16 годзин з виставу старих ремеслох, а будзе предлужена з виставу у Рускей школи 17 годзин.
Опрез будинка домашнього дружтва, на 16 годзин, будзе вистава старих ремеслох, а потим, на 17 годзин, у Рускей школи будзе представена часц вистави з Каталоґа „Руска одлога” котру потераз явносц нє видзела. На вечар, на 20 годзин, у Задружним доме почнє змагательни концерт, а после нього и ревиялна часц у котрей наступи Шпивацка ґрупа „Дюрдєвак”.
После преглашованя найлєпшей шпивацкей ґрупи и додзельованя специялней награди, друженє будзе предлужене у просторийох Културно-уметнїцкого дружтва „Тарас Шевченко”.