РУСКИ КЕРЕСТУР – Нєшка, на Перши дзень Крачуна, у Руским Керестуре будзе отримани традицийни 27. Крачунски концерт „Христос Раждаєтся”.
Буду участвовац члени вецей секцийох Дому култури, Дзецински хор „Шкорванчки”, шпивацки ґрупи, рецитаторе, Мишани хор Дому култури и Катедралней церкви св. о. Миколая, як и ґрупи з парохийного Каритасу.
Крачунски концерт будзе у Велькей сали Дому култури на 18 годзин, а уход шлєбодни.