РУСКИ КЕРЕСТУР – У орґанизациї шестрох Служебнїцох Непорочней Дїви Мариї нєшка будзе друга єднодньова Духовна обнова за старших, а главна тема будзе „Най вежнє свой криж и най идзе за мну”, прикладна Вельконоцному посту.
Духовна обнова будзе у чаше од 9 годзин до познопополадньових годзинох, а попри теми будзе и єй заєднїцке розпатранє, заєднїцка молитва у каплїци, нагода за св. Споведз, молитва Крижней драги и полудзенок.
Стретнуце будзе у манастире у Керестуре, а на ньго поволани шицки заинтересовани и з тей и з околних парохийох, и тоти цо участвовали на першей духовней обнови, алє и други цо ище нє були.