РУСКИ КЕРЕСТУР – У Руским Керестуре нєшка будзе отримане финале Турнира у кошарки 3 на 3 на кошаркашским терену на пияцу.
На 20,30 годзин почнє штварцина финала, а бавя „Цвечки” и „Фреш маркет”, „Дюрко и омладина” и „Летечи Пирожеканци”, потим „СФРЮ” и „Бостан Селтикс”, як и „Фортуна” и „Руском”.
Найлєпши достаню и награди – перше место 10 000, друге 5 000, а треце место 3 000 динари.
Буду и наградни бависка у руцаню на кош за младших и старших.
На тим Турниру, хтори почал 15. авґуста, у орґанизациї штредньошколца Бориса Югика, участвовали дзешец екипи.