ШИД – У 16. колє Општинскей фодбалскей лиґи Шид, ОФК „Бачинци” после вецей пораженьох, дома победзели „Єдноту” зоз Шиду зоз 3:1.
Приємне нєсподзиванє пририхтали фодбалере „Сримцу” з Беркасова хтори на госцованю у Батровцох победзели „Омладинєц” зоз 5:2.
У тим колє найвекше розчарованє дожили фодбалере водзацого „Напредку” з Вашици хтори дома страцели од „Синдєличу” з Ґибарцу з 2:1.
На таблїчки ОФК „Бачинци” пияти з 25 бодами, „Єднота” шеста ма 23, а „Сримец” осми зоз 21 бодом.
У 17. колє „Єдинство” (М) дочекує ОФК „Бачинци”, „Сримец” будзе бавиц процив ОФК „Бинґула”, а „Єднота” дочекує „Гранїчар” з Ямени.