БИКИЧ – Фодбалере ОФК Бикичу у остатнїм 30 колє Медзиопштинскей фодбалскей лиґи Срим дома победзели водзаци Полет зоз Нових Козарцох зоз 4 : 0.
Бикичанє завжали шесте место на таблїци зоз 50 бодами, а Полет и попри пораженя у Бикичу затримал перше место и освоєл шампионску титулу.
После змаганя фодбалере ОФК Бикичу, Управа клуба и почитователє фодбалу у валалє у сали Дома култури преславели добри пласман.
У Медзиопштинскей фодбалскей лиґи Срим од єшенї зоз шидскей општини окрем ОФК Бикичу и Гайдука з Вишнїчева будзе ше змагац и Обилич 1993 зоз Кукуєвцох, хтори шампиони Општинскей лиґи Шид.
У ревиялним змаганю пред початком замаганя Обилич 1993 достал шампионски погар, а потим победзел и репрезентацию Општинского фодбалского союзу Шид зоз 9:3 (4:1).