ДЮРДЬОВ – И тей єшенї, уж традицийно, тирва ушорйованє явних поверхносцох и обєктох у Дюрдьове, а на тот завод и Рускей школи.
Вчера почало ушорйованє вонкашнєй фасади будинка Рускей школи, у котрей ше находза и Дзецинска заградка, и Руска одлога. Роботу окончує фирма „Тис ґрадня” з Беоґраду. У першей фази будзе ушорйованє вонкашнєй часци будинка, а у другей ушорйованє знука. Роботу финансує Покраїнска Влада з 2 милиони 990 тисячи динарами и локална самоуправа котра уложела милион 500 тисячи динари.
Тих дньох у валалє на вецей местох санировани бетонски дражки опрез хижох и опрез валалскей амбуланти, а заплановане же би пошвидко були оправени дражки, ошвиценє, чекалїще за автобуси и други очкодовани места у центру.