НОВИ САД – Упис на основни, мастер и докторски студиї у школским 2018/2019. року на Оддзелєню за русинистику на Филозофским факултету почнє зоз приявйованьом од 20. по 22. юний, а потим шлїдзи покладанє примацого испиту и упис.
У школским 2018/19. року на Оддзелєню за русинистику єст штири места за студентох хтори ше буду финансовац зоз буджету и дзешец самофинансуюци. Вецей информациї о самим примацим испиту мож пречитац у Правилнїку хтори обявени на сайту Факултета, а ту назначени и вецей поєдиносци о датумох, потребних документох и процедурох котри будуци студенти основних академских студийох муша сполнїц.