НОВИ САД – Ґалерия Матици сербскей и дньово новини „Дневник” добитнїки тогорочней Октоберскей награди, а Дом здравя „Нови Сад” и шветови и европски шампион у савате боксу и гуманиста Ґоран Байшански добитнїки Новемберскей грамоти за 2017. рок, одлучене на вчерайшей шветочней схадзки Скупштини Городу Нови Сад.
Найвекши городски припознаня лауреатом буду додзелєни на шветочносци 23. октобра у Городскей хижи.
Октоберску награду ше додзелює з нагоди 23. октобра, Дня ошлєбодзеня Нового Саду у Другей шветовей войни, а Новемберску грамоту з нагоди 9. Новембра, Дня ошлєбодзеня Нового Саду у Першей шветовей войни 1918. року, як и з нагоди одлуки о присоєдинєню Войводини ґу Кральовини Сербиї на Велькей народней скупштини Сербох, Бунєвцох и других Славянох з Банату, Бачкей и Баранї 1918. року.