Од нєшка до нєдзелї Водицов камп

автор маф
1.1k Опатрене

РУСКИ КЕРЕСТУР – Од нєшка до нєдзелї, 12. авґуста, будзе Водицов камп за дзеци и младих, а и того року влада барз вельке интересованє, понеже ше приявели 110 учашнїки, найвецей потераз. Звекшого учашнїки з Керестура, алє єст и з других местох, та будзе орґанизоване и симултане прекладанє на сербски язик.

На тогорочним кампу главна тема „История церкви” о хторей будзе бешедовац о. Михайло Малацко, а буду и рижни други теми хтори пририхтує психолоґ Соня Виславски и млади волонтере керестурского Каритасу, хтори и орґанизатор Кампу.

Водицов камп духовно-забавного характеру, та плановани и дзелєнє духовних искуствох по ґрупох, як и вецей уметнїцки роботнї, спортски активносци и дружтвени бависка и бал. Кажди дзень будзе и Служба Божа, а вечарша всоботу и за шицких других вирних, як и на нєдзелю на 11,30 годзин.

(На насловней фотоґрафиї учашнїки на прешлорочним Кампу)

ПОВЯЗАНИ ТЕКСТИ