Од нєшка по нєдзелю у Коцуре Днї театру „Владимир Сабо-Дайко“

автор злк
1k Опатрене

КОЦУР – З виставу фотоґрафийох и проєкцию представох на биоскопским платну з нагоди 40 рокох театралней дїялносци Аранки Медєши и Меланиї Макаї и 20 рокох театралней дїялносци Даниели Тамаш, у Коцуре нєшка, 28. априла, починаю Пияти Днї театру „Владимир Сабо-Дайко“, а тирваю по недзелю, 30. април.

На ютре, 29. априла, Аматерски театер „Бранислав Нушич“ Културно-образовного центру зоз Шиду пополадню одбави представу за дзеци „Сказка о шарканьови“, а на вечар представу „Жадам ше ошлєбодзиц“, обидва у режиї Цветина Аничича.

На нєдзелю, 30. априла пополадню на репертоаре дзецинска представа Руского КУД „Др Гавриїл Костельник“ з Кули „Приповедки зоз Коцко-городу“, у режиї Нади Лендєр, а манифестацию на вечар завре представа Руского културно центру Нови Сад „Божеска ноц“, у режиї Звонимира Павловича.

Уход на шицки представи шлєбодни, вечарши програми и представи починаю на 20 годзин, дзецинска представа на соботу на 17, а на нєдзелю на 16 годзин.

Днї театру „Владимир Сабо-Дайко“ орґанизую Месни одбор Рускей матки Коцур, Етно-клуб „Одняте од забуца“ з Коцура и Културни центер Вербас.

ПОВЯЗАНИ ТЕКСТИ