РУСКИ КЕРЕСТУР – Руководителька Оддзелєня русинистики на Педаґоґийним универзитету у Кракове, у Польскей, професорка Олена Дуц-Файфер и двойо студенти спомнутого оддзелєня, од нєшка, 11. мая, та по нєдзелю, 14. май, буду пребувац у Руским Керестуре и других наших местох. То уж треца така едукативна екскурзия за студентох Оддзелєня русинистики з Кракова, котрих до наших местох приводзи проф. Олена Дуц-Файфер.
Госци з Польскей на ютре у Руским Керестуре буду провадзиц годзину руского язика у Ґимназиї „Петро Кузмяк”, а потим предвидзене же нащивя Оддзелєнє за русинистику на Филозофским факултету у Новим Садзе, нашо медийни хижи – НВУ „Руске слово” и руски редакциї РТВ.
На соботу, 13. мая у Керестуре буду госци Националного совиту Руснацох, потим нащивя Музейну збирку у Замку, Оддзелєнє Народней библиотеки, Церкву, Дом култури и РНТ „Петро Ризнич Дядя”, а на вечар у Доме култури буду патриц и младежску представу „Боинґ-Боинґ”.
На нєдзелю, 14. мая нащивя Коцур – Етно-клуб „Одняте од забуца”, нашу церкву и Дом култури.
Нєпоштредни домашнї госцом з Польскей Руска матка.