КУЛА – Ювилейни 60. Републични аматерски фестивал театрох Сербиї будзе традицийно отримани у Кули, у периодзе од 15. по 23. юний, а на сцени Културного центру патраче буду мац нагоду одпатриц дзевец представи.
Шицки представи буду виводзени од 20 годзин, перши дзень наступя домашнї, а потим госци зоз Вербасу, Беоґраду, Приєполя, Рачи, Смедеревскей Паланки, Сенти и Лебанох, чийо виводзеня участвую у змагательней часци.
Остатнї дзень Фестивалу, 23. юния, буду сообщени резултати, и ревиялно будзе виведзена представа Нового новосадского театру.
Орґанизаторе и домашнї фестивалу Союз аматерох Сербиї, Културно-просвитна заєднїца Општини Кула и Културни центер Кула, а покровителє Општина Кула и Министерство култури и информованя.