КУЛА/РУСКИ КЕРЕСТУР – Од пондзелку, 7. мая, у местох општини Кула почнє пописованє маєтку на терену, же би ше поровнало зоз порцийнима приявами и зазначело одступаня. Предвидзене же пописованє будзе тирвац шейсц мешаци.
На терену општини Кула буду робиц дзевецеро пописоваче, з котрих єден у Руским Керестуре, а остатнї таки попис бул 1992. року. Пописованє ше запровадзує у рамикох проєкту „Реформа порциї на маєток” котри финансує швайцарска влада у 44-ох локалних самоуправох у Сербиї.
Пописоваче буду мац визначени леґитимациї, а маєток на терену буду прецизно мерац. Циль того проєкту же би локална самоуправа мала реалну слику о ситуациї на терену, понеже порция на маєток власни приход каждей локалней самоуправи.