СЕРБИЯ – Совит Аґенциї за енерґетику Сербиї вчера дал согласносц на вимогу Електропривреди Сербиї (ЕПС) же би од 1. октобра струя за ґаздовства и малих купцох була драгша штреднє коло два одсто, обявела Аґенция.
Як сообщене з Министерства рударства и енерґетики, ЕПС вимагал подрагшанє после анализи з експертским тимом Шветовей банки, а у складзе з планом финансийней консолидациї.
Оценєне же тото подрагшанє од два одсто рахунок за струю штреднє звекша за коло 68 динари.
Сербия и далєй останє держава з найнїзшу цену електричней енерґиї у Европи, з вельо меншу цену як є у реґиону, понежє у нас струя за 19 одсто туньша як у Македониї, 20 одсто як у Албаниї, 21 одсто як у Босней и Герцеґовини, 31 одсто як у Чарней Гори и 50 одсто як у Горватскей, сообщели з ресорного Министерства.
У Сербиї 70 350 обисца витворює право на помоц за безплатни 120 до 250 киловат/ гопдзини електричней енерґиї мешачно, зависно од числа членох у обисцу.