ШИД – Вчера означена 26-рочнїца як 5. новембра 1991. року горватски паравоєни моци ґранатовали Шид, кед у будинку тедишнього Польопривредно-индустрийного комбинату (ПИК) на роботним месце погинули або покалїчени вецей особи.
З нагоди здогадованя на тоту подїю, квеце на спомин-плочу на будинку ПИК-у покладли делеґациї Општини Шид на чолє зоз Митом Аврамовим, членом Општинскей ради, СУБНОР, Здруженя борцох войни 90-тих рокох, як и члени фамелиї погинутих роботнїкох ПИК-у Дьордя Манойловича, Слободана Михалєвича и Мирослава Шерфеза.
На тот нємили дзень здогаднул Небойша Суботич, а здогадованє збогацене и зоз поезию, кед свойо стихи гуторели Дюрица Еделински и Видак Петрович.
