Означена 75-рочнїца страданя жительства у Сриме

автор днв/мар
1k Опатрене

 

СРИМСКА МИТРОВИЦА – У Сримскей Митровици всоботу, 9. септембра, означена 75-рочнїца масновного страданя жительства у Сриме под час Другей шветовей войни 1942. року, з поруку „Най ше нє забудзе”.

3-Mitrovica-02

На академиї з тей нагоди предсидатель Покраїнскей влади Иґор Мирович наглашел же таки час 1942. року Срим бул у чарним.

– Ту зме же бизме ше з вельким почитованьом поклонєли жертвом. То длуство хторе ноши кажде з нас. Ми го оддлужуєме и на тим сходзе и на числених манифестацийох хтори орґанизовани, а и надалєй, же би ше на жертви нїґда нє забуло – гварел покраїнски премиєр у Митровици.

 – Фашизем хтори однєсол тоти жертви бул настрашнєйше нє лєм у 20. вику, алє у цалей историї людского роду. То подрозумює кажду його монструозну варияцию, та и усташтво. Прето барз важне поручиц тим цо меняю историю же джелатох нє мож претвориц до жертвох, анї злодїйох до праведних – наглашел предсидатель Покраїнскей влади.

У усташких акцийох у тедишнї час настрадали вецей як 6 000 нєвини особи, найвецей Серби, медзи нїма числени углядни гражданє зоз сримских валалох и городох. Теди страдал и познати подобови уметнїк зоз Шиду Сава Шуманович, надпомнул городоначалнїк Сримскей Митровици Владимир Санадер. У тих акцийох Срим остал без єврейского жительства, а на тисячи Серби, Роми и Євреє послати до лаґрох, дзе страдали на найстрашнєйши способ.

Найвекши страданя були початком септембра 1942. року на Православним  теметове у Сримскей Митровици, дзе були приводзени людзе з Ґолубинцох, Дивошу, Шиду, Буковцу, Земуну, Латярку, Будяновцох, Долнього Товарнику, Ириґу, Яску, Лежимиру, Мандєлосу, Чалми и других местох.

Место на хторим окончени погром претворене до Мемориялного компеклсу „Памят теметов“, подзвигнути 1960. року, а його адаптацию Город Сримска Митровица почал 2012/13. року.

На Памят теметове всоботу дополадня служена Архиєрейска литурґия, а делеґациї Городу, Войска Сербиї, политичних орґанизацийох и здруженьох гражданох положели венци и квеце.

 

 

ПОВЯЗАНИ ТЕКСТИ