НОВИ САД – У рамикох означованя 21. фебруара – Дня мацеринского язика нєшка на 16,30 годзин будзе отримана 42. схадзка Координацийного одбору дружтвох за язики, литературу и културу, у Здруженю македонскей националней меншини „Кирил и Методий“, Нови Сад, ул. Братох Рибникар 5.
Дружтво за руски язик член КОО од 1974. року и представнїки того нашого Дружтва буду на схадзки того Координацийного одбору.
Дружтва за руски язик, литературу и културу у информує же зоз Календаром змаганьох школярох основних школох Министерства просвити, науки и технолоґийного розвою, Београд за школски 2017/2018. рок предвидзене же ше школски змаганя зоз руского язика и язичней култури отримаю до конца марца 2018. року.
Медзиокружне замагнє за школярох од V по VIII класу ше планує 28. априла 2018. року, а републичне за школярох VII и VIII класох будзе 26. мая 2018. року.
З тим у вязи руским школом и наставнїком/професором руского язика послата поволанка (зоз прияву) же би до 10. априла 2018. року приявели школярох за медзиокружне змаганє хторе ше отрима 28. априла 2018. року у ОШ “Йован Йованович Змай” у Дюрдьове.
У рамикох планованя активносцох у 2018. року Секцийом Дружтва у наших местох послата Програма зоз календар рочнїцох и мешачнима активносцами за 2018. рок же би приложени материяли хасновали при планованю активносцох у 2018. року.