ДЮРДЬОВ – Внєдзелю, 28. октобра, у дванастим колє Подручней лиґи Нови Сад Фодбалски клуб „Бачка 1923” зоз Дюрдьова госцовала у Петроварадину на стадиону Фодбалского клуба „Петроварадин”. Змаганє закончене 1:1 (0:0). Ґол за „Бачку” ознова дал лєм Душан Тривунович.
После того змаганя ФК „Бачка 1923” з Дюрдьова остала на истим, седмим месце з седемнац бодами. „Бачка” у шлїдуюцим колє дочека осмопласовани ФК „Шайкашка 1908” зоз Ковилю котри такой споза нєй, и ма пейц боди менєй. Змаганє будзе отримане на нєдзелю, 4. новембра на 13,30 годзин на дюрдьовским стадиону. После того, по конєц першенства остали ище три змаганя.