НОВИ САД – Того мешаца почню роботи на реконструованю гайзибанскей станїци у Новим Садзе, обявел новосадски Радио 021.
Таня Чворович з Инфраструктури желєзнїцох Сербиї за 021 гварела же з початком реконструкциї гайзибанскей драги Беоґрад-Нови Сад-Суботица-державна гранїца, буду облапени и обсяжнєйши будовательни роботи у станїцох у Новим Садзе и Суботици.
По конєц проєкту задумане ушоренє шицких станїцох на спомнутей релациї, як и отримованя гиґиєни у нїх.
Гайзибанска станїца у Новим Садзе старша як 50 роки, а до нєй децениями нє укладане.