КУЛА – Предсидатель општини Кула Велибор Милоїчич, 12 школяром ґенерациї з основних и штреднїх школох тей општини уручел традицийни награди – лаптопи. Медзи наградзенима и школяре ґенерациї керестурскей Основней и штреднєй школи „Петро Кузмяк” Леон Юрич и Дорис Бучко.
На окремней шветочносци у голу Скупштини Општини предсидатель Милиїчич зоз сотруднїками повинчовал присутним найлєпшим школяром на їх вельким труду, роботи и посцигнутих резултатох як и їх родичом, оддзелєнским старшином и директором на потримовки и добрим унапрямованю.
После уручених наградох Милоїчич им пожадал подобни успихи и у дальшим школованю, а кед го законча, же би ше врацели до того штедку и зоз своїм знаньом допринєсли розвою своєй општини.