Општином 932 милиони за хотарски драги, каналску мрежу и елиминованє депонийох

автор ртв, фото апв
678 Опатрене

НОВИ САД – Предсидатель Покраїнскей влади Иґор Мирович вчера уручел 68 контракти представительом 41 локалней самоуправи хтори витворели право по основи трох конкурсох Покраїнского секретарияту за польопривреду, водопривреду и лєсарство, вредносци 932,5 милиони динари, зоз чого Покраїнска влада видзелєла 300 милиони динари.

Слово о Конкурсу за финансованє ушореня хотарских драгох и отрешискох, Конкурсу за додзельованє стимулативних средствох за реализацию роботох на ушореню каналскей мрежи у функциї одводньованя польопривредней жеми и Конкурсу за додзельованє стимулативних средствох за елиминованє дзивих депонийох зоз польопривредней жеми, односно приводзенє польопривредней жеми ґу єй першобутней намени.

Предсидатель Мирович здогаднул же Покраїнска влада од 2016. року по нєшка до фокусу положела привредни и економски розвой и єдно з найважнєйших питаньох, як гварел, розвой польопривреди.

Покраїнски секретар за польопривреду, водопривреду и лєсарство Вук Радоєвич виявел же єден з найважнєйших приоритетох Покраїнскей влади то розвой аґрару и же Покраїнска влада през конкретни аґрарни буджет хтори, як визначел, нїґда нє бул векши, указує яке значенє дава розвою польопривреди.

ПОВЯЗАНИ ТЕКСТИ