ШИД – Вчера отворена треца по шоре подобова колония под назву „Видики 2018” хтору орґанизує Здруженє сербско-русийского товаришства зоз Шиду.
На колониї, хтора будзе тирвац 10 днї, участвую 18-еро маляре хтори пришли зоз Русийскей Федерациї, як и маляре зоз Сербиї, Македониї и Болгарскей.
Представнїкох Здруженя сербско-русийского товаришства и госцох зоз Русиї вчера приял Велимир Ранисавлєвич, предсидатель Скупштини општини Шид.
Вон им пожадал успих у роботи и же би зоз Шиду однєсли красни памятки, та же би шлїдуюцого року ознова пришли до Шиду.
Колония будзе закончена зоз виставу малюнкох хтори витворени под час єй тирваня.
