ЗАҐРЕБ – На Горнїм Городзе, у Старей городскей скупштини, у сали Кристофора Станковича, 1. марца отворена вистава иконох иконописателя протопрезвитера Михайла Гардия.
На отвераню вистави велїх визначних госцох привитал и владика Нино Кекич, а члени КУД „Яким Гарди” з Петровцох и КУД „Яким Ґовля” з Миклошевцох одшпивали даскельо духовни писнї.
З тей нагоди представени и публикациї о. Гардия – єдна о його поезиї, а друга о иконох.
-Икони то облак до нєба, вони лїча дух и психу. Без духовносци нєт правдивого иконописаня, бо то нє ремесло. За иконописанє треба ше порихтац духовно, зоз молитву и постом – гварел автор иконох.
Паноцец Гарди того року означує и свою 70-рочнїцу живота, як и 45 рочнїцу священства, а зоз иконописаньом, як сам гварел, ше занїма скоро 40 роки.
Вистава будзе отворена до 14 марца.