ВЕРБАС – Внєдзелю, 24. септембра дополадня отримана перша змаганє у лапаню чуки „Чукияда“, хторе орґанизовало Здруженє спортских рибарох „Нови канал“. Чукияда пошвецена Мирославови Нярадийови Нїцови, длугорочному рибарови и познатому рускому активистови.
На змаганю участвовали аж 37 змагателє, та обидва побрежя Нового каналу були полни з рибарами и тима котри их потримовали. Наймладша учашнїца була седемрочна Желяна Чобански, а медзи найстаршима бул судия змаганя Любомир Новаков.
Перше место освоєл Милош Личина за влапену чуку од 655 ґрами, а погар и пенєжну награду му уручела дзивка Мирослава Нярадия Еуфемия Няради Вучетич. Пенєжни награди достали и друго и трецепласовани.
Додзельованє наградох и друженє после змаганя було у КПД „Карпати“, з хторим спомнуте здруженє рибарох добре сотрудзує.