НОВИ САД – Перша часц едукациї за руских новинарох, по проєкту Новинарскей асоцияциї Руснацох (НАР), а у сотруднїцтве з Оддзелєньом за медийни студиї Филозофского факултету у Новим Садзе, отримана нєшка у просторийох Заводу за културу войводянских Руснацох.
Преподаванє о цензури, з огляднуцом на єй зачатки и форми у хторих ше зявйовала през историю, и як ю мож препознац у нєшкайших швидких медийох бешедовала проф. др Дубравка Валич Неделькович, а о конкретних прикладох медийней манипулациї проф др Деян Пралица.
Друга часц НАР-овей едукациї будзе о тидзень, 1. децембра, кед викладанє о идеї шлєбодних медийох у швеце отрима проф. др Владимир Барович, а преподаванє о язику Блажена Хома Цветкович.
Проєкт потримал Покраїнски секретарият за културу, явне информованє и одношеня з вирскима заєднїцами.