КОЦУР – Всоботу, 29. септембра, у Коцуре у Руским доме отримана промоция кнїжки Славомира Шанти под назву „Тебе гуторим”.
У полней сали Руского дома з тей нагоди отримана и интересантна програма на котрей рецитовани авторово писнї и музични точки.
На промоциї рецитовали и виривки зоз кнїжки читали Силвия Маґоч, котра була и идейни инициятор промоциї, потим Мария Горняк, Катарина Кулич и Катарина Ґайдош. Марко Буила одграл єдну композицию на гушлї, а Михал Иван Ниґер одшпивал три шпиванки.
Програма промоциї була збогацена и зоз авторскима филмами Славомира Шанти котри приказани на видео биму.
Нащивителє промоциї на дарунок достали ЦД зоз авторову поезию, а по законченю промоциї могли уживац у богатей закуски.