ШИД – Вчера, 30. авґуста, у Шидзе отримана схадзка Општинского совиту за безпечносц, на хторей розпатрени актуални стан пре миґрантску кризу.
Як после схадзки новинаром виявел предсидатель Општини Шид и спомнутого цела Предраґ Вукович, на подручу шидскей општини єст менєй як тисяч миґрантох у двох прилапююцих центрох.
Вукович гварел же ше будзе вимагац нєдошлєбодзованє пребуваня илеґалних (нєреґистрованих) миґрантох у дакедишнїм „Ґрафосриму“.
На схадзки було слова и о наиходзацим початку школского рока и констатоване же на подручу шидскей општини єст коло 80 дзеци-миґранти котри би могли рушиц до школи.
Як виявел помоцнїк реппубличного комесара за вибеженцох и миґрациї Иван Ґерґинов, котри присуствовал на схадзки у Шидзе, у Републики Сербиї єст коло 300 дзеци-миґранти котри би могли рушиц до школи, кед ше за тото опредзеля їх родичи.