Отримана треца часц конференциї о економских факторох и уплїву на национални меншини

автор апал
728 Опатрене

НОВИ САД – У Ґалериї Матици сербскей у Новим Садзе, вчера, 14. децембра, отримана треца часц Конференциї на тему „Економски фактори и їх уплїв на положенє националних меншинох на прикладу мадярскей, горватскей, румунскей и болгарскей националней меншини”.

На конференциї винєшени релевантни податки, корелациї и диспропорциї хтори достати зоз виглєдованьох. Тиж так, учашнїки визначели же подобни проблеми маю и други держави хтори уж члени Европскей униї.

На закончуюцей часци Конференциї, хтору орґанизовал Центер за реґионализем, окрем домашнїх, участвовали Радко Влайков, амбасадор Републики Болгарскей у Сербиї, Иван Бошняк, державни секретар у Министерстве державней управи и локалней самоуправи, Влада Радович зоз Канцелариї за меншински и людски права, Адриян Борка, зоз Покраїнского секретарияту за образованє, предписаня, управу и национални заєднїци-национални меншини, як и реализаторе проєкта.

Проєкт потримало Министерство вонкашнїх дїлох Републики Болгарскей.

ПОВЯЗАНИ ТЕКСТИ