У Дюрдьове було Републичне змаганє з руского язика

автор сас
934 Опатрене

ДЮРДЬОВ – Всoботу, 26. мая, у Основней школи „Йован Йованович Змай” у Дюрдьове отримане 18. Републичне змаганє з руского язика и язичней култури за школярох седмих и осмих класох.

Змагали ше тринацецеро школяре седмих и осмих класох зоз седем наших местох. Осмеро з порядней настави з Руского Керестура (4 школяре), Коцура (3), Дюрдьова (1) и пецеро з виборней настави з Нового Саду (2), Вербасу (1), Кули (1) и Бачкей Тополї (1) – вкупно 13 школяре.

Од школярох седмей класи з порядней настави перше место завжали Катарина Кулич и Наташа Тамаш з Коцура (по 20 боди), друге Анастазия Надь з Руского Керестура (17 боди), а треце Ясмина Будински з Дюрдьова (16 боди). Перше место за школярох осмей класи завжал Леон Юрич з Руского Керестура (20 боди), друге Теодора Русковски тиж з Керестура (19 боди),  а треце Єлена Чордаш з Коцура (18 боди).

Перше место за школярох седмей класи з виборней настави завжала Ана Чижмар з Вербасу и Михаило Пап з Нового Саду (по 20 боди), друге Боґларка Ґере з Бачкей Тополї (17 боди). Зоз осмей класи, перше место завжала Каролина Гарди з Нового Саду (20 боди), а друге место завжала Анастасия Джуджар з Кули (16 боди).

Шицки учашнїки достали подзекованя од орґанизаторох, дюрдьовскей ОШ и Дружтва за руски язик, литературу и културу з Нового Саду. Школяре хтори завжали даєдно з трох местох достали по кнїжку чий видаватель Дружтво за руски язик, литературу и културу, як и наставнїци руского язика котри пририхтовали школярох за тото змаганє. На змаганю придати и дипломи зоз Медзиокружного змаганя хторе отримане 28. априла у дюрдьовскей школи.

Змаганє отримане у рамикох 90-рочнїци од народзеня Дюрдьовчаня Миколи М. Кочиша и по Календаре Министерства просвити, науки и технолоґийного розвою.

ПОВЯЗАНИ ТЕКСТИ