БИКИЧ – У Доме култури у Бикичу всоботу, 25. фебруара отримани Бал Националного совиту Руснацох, хтори ше орґанизує у месце домашнього Централней преслави Националного швета Руснацох, а то источашне бул 22. бал Руснацох у тим сримским месце.
У мено домашнїх и орґанизатора госцох привитали предсидатель КПД „Иван Котляревски“ Деян Бобаль и заменїк предсидателя Националного совиту (НС) Йовґен Мудри.
На Балє присуствовали коло 140 госци – з Бикичу, Нового Саду, Руского Керестура, Сримскей Митровици, Бачинцох, Беркасова, Шиду, з Петровцох з Горватскей, а медзи госцами бул и предсидатель НС Руснацох Славко Рац.
За добре розположенє ше остарал оркестер Мирона Сивча з Руского Керестура, була порихтана и богата томбола и орґанизовани „танєц шерца“.