КОЦУР – Вчера, 25. марца, у Церковней сали у Коцуре отримани цалодньови Вельконоцни вашар котри орґанизовал парохийни Каритас.
Нащивителє могли купиц рижни вельконоцни прикраски, паски, писанки, домашнї маджуни, рижни продукти зоз цеста и ручни роботи на тему Велькей ноци.
Окрем домашнїх, викладаче пришли зоз Вербасу, Бачкей Паланки и Руского Керестура.
Цени були симболични, нащивителє куповали, а могли видзиц и интересантни способи прикрашованя писанкох.
Вельконоцни вашар бул гуманитарного характеру и пенєж котри назберани од предаваня будзе подаровани младим родичом єдного дзецка котре народзене без очох у Вербаше.
